Oktyabrın 11-də Milli Gimnastika Arenasında bədii gimnastika üzrə 26-cı Azərbaycan və Bakı birinciliyinin ikinci günü və aerobika gimnastikası üzrə 5-ci Azərbaycan birinciliyi və Bakı çempionatının birinci günü start götürüb.

Sportfm.az xəbər verir ki, bu gün bədii gimnastlar "balacalar" yaş qrupunda fərdi proqramda alətsiz, halqa və gürzlərlə, qrup hərəkətlərdə alətsiz və halqalarla çıxış edəcəklər. Aerobika gimnastları isə "balacalar", "uşaqlar", "yeniyetmələr", "gənclər" və "böyüklər" yaş qruplarında çıxış edəcəklər.

Qeyd edək ki, oktyabrın 10-da bədii gimnastika üzrə 26-cı Azərbaycan və Bakı birinciliyi, 6-cı bölgələrarası kubok və aerobika gimnastikası üzrə 5-ci ölkə birinciliyi və paytaxt çempionatına start verilib.

Dördgünlük yarışda gimnastlar "gənclər", "yeniyetmələr", "uşaqlar" və "balacalar" yaş qruplarında medallar uğrunda mübarizə aparacaqlar.

Oxşar xəbərlər

Batut gimnastikası üzrə Azərbaycan çempionatları keçiriləcək

Aerobika üzrə paytaxt çempionatı keçiriləcək

Bədii gimnastika üzrə 25-ci Azərbaycan Birinciliyinin üçüncü günü başladı - FOTO

Bədii gimnastika üzrə 25-ci Azərbaycan birinciliyi keçiriləcək

Milli Gimnastika Arenasında iki fərqli növ bir arada