Bolqarıstanın paytaxtı Sofiyada gənc boksçular arasında keçiriləcək Avropa çempionatının püşkü atılıb. Mərasimdə Azərbaycan boksçularının da ilk rəqibləri bəlli olub.

Sportfm.az xəbər verir ki, millimizin üzvlərindən beşi mübarizəyə 1/16, digər beşi isə 1/8 finaldan qoşulacaq.

Bu gün start götürəcək birinciliyin birinci günündə 4 boksçumuz rinqə çıxacaq. Belə ki, boksçularımızdan Maqsud Xasmetov (52 kq) türkiyəli Samet Gümüş, Eldar Babayev (60 kq) Killian Karti (İrlandiya), Rəşid Həsənov (64 kq) Almaniya təmsilçisi Simon Vollmer, Səlim Səlimov (69 kq) isə uelsli Qaran Qroftla qarşılaşacaq.

Sentyabrın 5-də millimizin üzvləri Ruslan Qədirov (49 kq) ingiltərəli Uiliam Hevitt, İqor Platov (75 kq) Moldova idmançısı Valeri Razmerita, Murad Allahverdiyev (81 kq) Belarus boksçusu Stoil Stanoyev, Fuad Cəfərov (91 kq-dan yuxarı) isə İtaliya idmançısı Viçenzo Fiasçetti ilə üz-üzə gələcək.

Digər boksçularımız Əzrək Bəbirov (56 kq) Bill Unsvort (Uels)/Selim Bouayta (Fransa) görüşünün qalibi, Əsəd Baxşıyev (91 kq) gürcüstanlı Jumka Jaiani ilə münasibətlərinə aydınlıq gətirəcək. Hər iki görüş sentyabrın 6-da təşkil olunacaq.

Qeyd edək ki, təsnifat mərhələsinin döyüşləri sentyabrın 4-8-də, yarımfinal görüşləri ayın 9-da keçiriləcək. Çempionatın qaliblərinin adları isə sentyabrın 10-da bilinəcək.

Oxşar xəbərlər

Boksçularımızın ilk rəqibləri bəlli oldu - Avropa çempionatı

Avropa çempionatında ilk rəqiblər bəlli oldu - SİYAHI

Bu gün üç boksçumuz dünya çempionatında mübarizə aparacaq

Boksçularımızın dünya çempionatında ilk rəqibləri məlum oldu

Azərbaycan birinciliyinin qalibləri müəyyənləşdi - FOTO