AFFA Almaniyanın III liqasında çıxış edən “Proyssen” klubunun Azərbaycan millisinin futbolçusu Rüfət Dadaşovla bağlı xahişini geri çevirib.

Sportfm.az xəbər verir ki, Münster təmsilçisi 27 yaşlı hücumçunun AVRO-2020-nin seçmə mərhələsində sentyabrın 6-da səfərdə Uels, sentyabrın 9-da isə Bakıda Xorvatiya yığması ilə oyunlar üçün Azərbaycan millisinə bir qədər gec qoşulmasını istəyib. Səbəb kimi isə sentyabrın 4-də Vestfaliya Kubokunda “Rödinqhauzen”lə matçda Dadaşova ehtiyac duyduqları göstərilib. Lakin milli assosiasiyadan müsbət cavab alınmayıb.

Klubun idman direktoru Malte Metselder məsələ ilə bağlı bunları deyib: “Kubok oyununda iştirak etmək üçün Rüfətin gedişini yubatmağa ümid edirdik. Lakin AFFA razı olmadı və futbolçunun sentyabrın 1-də millinin düşərgəsinə qoşulmasını istədi”.

Dadaşov özü isə vəziyyəti bu cür şərh edib: “Əlbəttə, “Rödinqhauzen”lə matçda iştirak etmək istərdim. Ancaq Azərbaycandan zəng gələndə, vətənə yollandmaq mənim üçün şərəfdir”.

Qeyd edək ki, “Proyssen” avqustun 31-də III liqanın VII turu çərçivəsində “Hanza”nın qonağı olacaq. Dadaşov oyundan dərhal sonra Bakıya yola düşəcək.

Oxşar xəbərlər

"Vulverhempton" qardaşımla boşuna müqavilə bağlamayıb" - Rüfət Dadaşov

"Azərbaycana səfər etmək həmişə bir təcrübədir" Rüfət Dadaşov

Dadaşov milliyə dəvət aldı

Millimizin futbolçusu ili erkən başa vurdu

Metselder azərbaycanlı futbolçu haqqında: Biz uzun müddətdir onu transfer etməyə çalışırıdıq