Qazaxıstanin Kustanay şəhərində həyətdə futbol oynayarkən üzərinə futbol meydançasının qapısı düşən 16 yaşlı azərbaycanlı yeniyetmə xəstəxanada keçinib.

Sportfm.az saytı Qazaxıstan KİV-lərinə istinadən xəbər verir ki, Namiq Şirinov adlı gəncin cənazəsi dəfn olunmaq üçün vətəni Azərbaycana gətirilir. Hadisə ilə bağlı səhlənkarlıq maddəsi ilə cinayət işi qaldırılıb, araşdırma aparılır.

Faciə iyunun 28-də baş verib. Namiq Şirinov həyətdə uşaqlarla futbol oynayarkən futbol qapısı onun üstünə aşıb. Nəticədə yeniyetmə ağır xəsarətlər alıb-qara ciyəri dağılıb, 12-barmaq bağırsağı zədələnib, daxili qanaxma və digər ağır zədələr baş verib. Əvvəlcə onu yerli xəstəxanada təcili əməliyyat ediblər, Lakin həkimlərin səylərinə, bir neçə dəfə əməliyyat etmələrinə baxmayaraq onun vəziyyətində irəliləyiş olmayıb. Həkimlər yaralını iyulun 15-də Nur-Sultandakı xəstəxanalaran birinə köçürməyə hazırlaşırdılar. Amma iyulun 13-də Namiqin vəziyyəti kəskin pisləşib və ertəsi gün o vəfat edib. Hadisənin baş verdiyi futbol meydançasının 3 il əvvəl qurulduğu bildirilir. Namiqin valideyinləri polisə şikayət ediblər.

Oxşar xəbərlər

Turnirdə dava düşdü, futbolçu öldü - Almaniyada

ŞOK - Dadaşov dünyasını dəyişdi

Şağird futbol oynayarkən öldü - Bakıda

İldırım futbolçunun həyatını aldı

Azərbaycanlı futbolçunun 18 yaşlı qardaşı dünyasını dəyişdi - FOTO