DÇ-2018-in seçmə mərhələsinin oyunları zamanı yaranan fasilədən istifadə edən klublar hazırlıq matçları keçirir. Sportfm.az xəbər verir ki, Türkiyənin ən çox çempion olan komandası "Qalatasaray” bu aradan səmərəli yararlanıb. İstanbul nəhəngi Bolqarıstanın tanınmış klublarından olan "Levski” ilə qüvvəsini sınayıb. Görüşün 88-ci dəqiqəsində Türkiyə və dünya futbol tarixində ən nadir hadisələrdən biri yaşanıb. Belə ki, "sarı-qırmızılılar”ın heyətində Sinan Gümüşü 14 yaşlı vunderkind Mustafa Kapı əvəzləyib. Bu matçda 2-0 hesabı qalib gələn "Qalatasaray”ın və Türkiyə futbolunun tarixində bir rekorddur.

Qeyd edək ki, dünya futbol tarixində əsas komandanın heyətində debüt edən ən azyaşlı futbolçu boliviyalı Maurisio Baldvyesodur. O, 2009-cu ildə13 yaşı olarkən doğma klubu "Avrora”nın heyətində meydana çıxıb.