Bu gün futzal üzrə Yüksək Liqanın final oyunu keçirilib. Sportfm.az xəbər verir ki, final qarşılaşmasında Naxçıvan təmsilçisi “Araz” və “Xəzər Cənub” üz-üzə gəlib. Görüş əlavə vaxtda(əsas vaxt 1-1) 4-1 hesabı ilə "Araz"ın xeyrinə başa çatıb. Hakimin final fitindən sonra isə oyunda iki qırmızı vərəqə alan "Xəzər Cənub"un tərəfdarları meydançaya axışıb. Onlar qarşılaşmanın hakimlərinə hücum çəkiblər. Finalda məğlub olan "Xəzər Cənub" mükafatlandırma mərasimində də iştirak etməyib. 

Final

Araz – Xəzər Cənub 4-1 Qollar: Neyməti, Atayev, Fərzəliyev, İsmayılov - Şoçayi

17 may. Bakı İdman Sarayı. Saat 17:00

Hakimlər: Azər Əsgərov, Rahin Heybətov, Fuad Həsənov