"Qəbələ"dən növbəti rekord

Topaz Premyer Liqasında I dövrəyə yekun vurulub. "Qəbələ” ötən mövsümdə olduğu kimi ilk dövrəni lider kimi başa vurub. Sportfm.az klubun rəsmi saytına istinadən xəbər verir ki, VII turda "Qarabağ”ı 2:0 hesabı ilə məğlub edən "qırmızı-qaralar”ın liderliyi iki seriya ilə müşayiət olunur. Ağdam klubu ilə görüşdə "Qəbələ” ardıcıl 5-ci qələbəsini qazanıb. Bu, klub tarixində 2-ci belə seriyadır. Komanda yalnız 2014/15 mövsümünün ikinci yarısında daha çox – 8 qələbəni sıralamışdı. 5 oyunluq qələbə seriyası həm də cari mövsüm heç bir klubun bacarmadığı göstəricidir. "Qəbələ" eyni zamanda quru seriya ilə diqqət çəkir. Mövsümün qol buraxmayan yeganə komandası olan "qırmızı-qaralar” Premyer Liqanın ilk 7 turunda qol buraxmamaqla Azərbaycan çempionatları tarixinin rekordunu təkrarlayıb. İndiyədək yalnız 2010/11 mövsümünün startında qol buraxmayan "Xəzər Lənkəran” bunu bacarmışdı.

Ümumilikdə isə ötən mövsümün XXXIV turunun "Qarabağ”la matçından (0:2) sonra qapısını toxunulmaz saxlayan "qırmızı-qaralar” 9 oyundur qol buraxmır. Bu, ölkə çempionatları tarixinin 5-ci nəticəsinin təkrarı, "Qəbələ”nin 2-ci göstəricisidir. Komandamız 2010/11 mövsümündə ardıcıl 10 matçda qol buraxmamışdı. Bu rekordu təkrarlamaq üçün "qırmızı-qaralar” növbəti turun "İnter”lə görüşündə qol buraxmamalıdır.

Qapıçı Dmitri Bezotosnının quru seriyası artıq 868 dəqiqəyə çatıb. Ukraynalı qolkiperin bu göstəricisi Azərbaycan çempionatlarının 7-cisi, "Qəbələ”nin 2-cisidir. 2010/11 mövsümündə qeydə alınan klub rekordu isə Pavel Doroşevə məxsusdur. Latviyalı 952 dəqiqə qol buraxmayıb. Onun rekordunu təkrarlamaq üçün Bezotosnıya "İnter”lə matçda 84 dəqiqə qapısını toxunulmaz saxlamaq lazımdır.

Qələbə və qol buraxmamaq seriyalarında rekorduna doğru irəliləməkdə olan "Qəbələ” bir ilkə də imza atıb. Ardıcıl 5 quruhesablı qələbə qazanan "qırmızı-qaralar” tarixində ilk dəfə bunu gerçəkləşdirib. Bunadək rekord 4 oyundan ibarət idi. Ötən mövsümün V-VIII turlarında komanda 4 oyunda qol buraxmadan qalib gəlmişdi.

№	Komanda	o	x
1	Qarabağ	27	71
2	Sabah	27	62
3	Neftçi	27	56
4	Zirə	27	37
5	Qəbələ	27	36
6	Turan	27	28
7	Kəpəz	27	22
8	Sumqayıt	27	21
9	Şamaxı	27	20
10	Səbail	27	18

№	Komanda	o	x
1	Araz-Naxçıvan	13	37
2	EKOL	13	30
3	Neftçi İK	13	25
4	Baku Fire	13	22
5	Record club.az	13	12
6	Alyans	13	12
7	U-19	13	9
8	Xilə	13	6

№	Komanda	o	x
1	Araz Naxçıvan	5	15
2	MOİK	5	11
3	Turan Tovuz-2	4	9
4	Qəbələ-2	5	9
5	Neftçi-2	4	9
6	Qarabağ-2	5	7
7	Zirə-2	4	7
8	Şamaxı-2	5	7
9	Qaradağ Lökbatan	5	6
10	Mingəçevir	5	6
11	Səbail-2	4	6
12	Zaqatala	5	6
13	Sumqayıt-2	4	3