“Neftçi”nin müdafiəçisi Slavko Braliç müsahibə verib.

 Sportfm.az xəbər verir ki, xorvatiyalı futbolçu Topaz Premyer Liqası və azarkeşlərlə bağlı sualları da cavablandırıb. 

- Hazırda komanda turnir cədvəlinin ilk pilləsində qərarlaşıb. Qış fasiləsinə qədər bu mövqeyi qorumaq nə qədər vacibdir? 

- Birinci yerdə olmağımız çox vacib amildir. Bu üstünlüyü qoruyub qış fasiləsinə lider qismində yollanmaq lazımdır. Belə olan halda, mövsümün ikinci hissəsinə daha yaxşı əhval-ruhiyyə ilə hazırlaşmaq olar. 

- Özünüzü "Neftçi”də necə hiss edirisiz?

- Çox xoşbəxt hiss edirəm. Hər oyunda ortaya maksimum bacarığımı qoymağa çalışıram. 

- Sizin üçün indiyə qədər Topaz Premyer Liqasında keçirilmiş ən çətin oyun hansı olub? 

- Demək olar, hər oyun çətin keçib. Hər hansı oyunu fərqləndirə bilmərəm.

- Azərbaycan çempionatının səviyyəsi gözləntilərinizi doğruldubmu? 

- Bəli, çempionatın səviyyəsi kifayət qədər yüksəkdir. 

- Növbəti rəqib "Sabah” haqda nə deyə bilərsiz? 

- Çox keyfiyyətli komandaları var. Nəticələr də belə deməyə əsas verir. Bu rəqiblə səfər oyununda qalib gəlmək üçün bütün bacarığımızı ortaya qoymalıyıq.

- Azarkeşlərimiz komandanı hər zaman dəstəkləyir. Onların dəstəyini hiss edirsizmi? 

- Əlbəttə! "Neftçi”nin fanatları ən yaxşı azarkeşlərdir. Onların dəstəyi sayəsində hər oyunda özümüzü daha da inamlı hiss edirik.

Oxşar xəbərlər

"Özümü 30 yaşımda hiss etmirəm" - Emin Mahmudov

"Komanda yoldaşlarıma təşəkkür edirəm" - “Neftçi”nin futbolçusu

"Hələ belə qol vurmamışdım" - Baqali Dabo

Emin Mahmudov:"Yeni baş məşqçimizi daha yaxşı tanımalıyıq"

İlqar Qurbanov: "Millidə mənim kimi futbolçuya ehtiyac var"