Azərbaycan Respublikası "Təhsil" Respublika İdman Mərkəzi tərəfindən təşkil edilən futbol üzrə U-8 liqasında 8-ci turun görüşləri keçirilib.  

Sportfm.az xəbər verir ki, 248 saylı məktəbin stadionunda baş tutan matçda liderlər qrupunda yer alan "Fənər" Vətən RİOEUGFM-2 ilə üz-üzə gəlib.  

Azərbaycan Futzal Federasiyasının İcraiyyə Komitəsinin üzvü Turqay Fərzəliyevin təsis etdiyi "Fənər" uşaq-futzal məktəbinin yetirmələri rəqibini 7-0 hesabı ilə məğlub edərək, çempionluq uğrunda mübarizəni davam etdirir. "Fənər"in qollarından birini komandanın liderlərindən Hüseyn Əliyev öz aktivinə yazıb. 6 yaşlı futbolçu topun gəlişinə vurduğu mükəmməl zərbə ilə fərqi artırıb. Bu Hüseynin U-8 liqasında ilk qoludur. 

Qeyd edək ki, növbəti turun görüşləri noyabrın 23-də baş tutacaq.