Londonda şahmat üzrə dünya çempionu adı uğrunda mübarizə davam edir.

Sportfm.az xəbər verir ki, noyabrın 12-də üçüncü partiyada ağ fiqurlarla oynayan ABŞ təmsilçisi Fabiano Karuana norveçli Maqnus Karlsen ilə 49-cu gedişdə heç-heçə edib.

Şahmatçılar ilk iki partiyada da xalı yarı bölüblər. Beləliklə, ilk üç oyunun nəticəsinə görə hesab bərabərdir - 1,5:1,5.

Dördüncü partiya noyabrın 13-də oynanılacaq.

Noyabrın 28-dək davam etməsi nəzərdə tutulan yarış vaxta klassik üsulla nəzarət edilən 12 partiyadan ibarət olacaq. Hər iki partiyadan sonra bir istirahət günü planlaşdırılır. On iki partiyadan sonra hesab heç-heçə olarsa, tay-brek təyin ediləcək.

Oyunun ümumi mükafat fondu 1 milyon ABŞ dolları məbləğindədir. Qalib şahmatçıya 600 min, məğlub olana isə 400 min dollar mükafat veriləcək.

Oxşar xəbərlər

Reytinqləri aşağı olan şahmatçılarımız superturnirdə olmayacaqlar

Şahmat tacı uğrunda tay-breyk oynanılacaq

Şahmat tacı uğrunda doqquzuncu heç-heçə qeydə alındı

“1.e4” gedişi və ilk partiya

İlk qələbəsini azərbaycanlı üzərində qazandı