Əbu-Dabidə 25-ci beynəlxalq şahmat festivalı start götürəcək.

Sportfm.az xəbər verir ki, yarışlar çərçivəsində “Masters”, “Open”, “Juniors” turnirləri keçiriləcək.

İsveçrə sistemi üzrə 9 turda keçiriləcək “Маsters” turnirində 31 ölkədən 161 şahmatçı, o cümlədən 58 qrossmeyster qoşulacaq. Azərbaycan idmanının şərəfini beynəlxalq usta Günay Məmmədzadə və FIDE ustası Rəvan Əliyev qoruyacaqlar.

Nüfuzuna görə ikinci sayılan “Open” turnirində 36 ölkədən 150 idmançı iştirak edəcək. Turnirin reytinq-favoriti Çexiyadan olan ustalığa namizəd Pavel Haasedir (2177). Azərbaycan şahmatçısı Fərid Mustafayev reytinqdə ikinci yerdədir.

“Juniors” turniri isə 19 ölkədən 150 şahmatçının iştirakı ilə keçiriləcək. Bu mərhələdə yarışlarda Rəvan Əliyev və Fərid Mustafayev mübarizə aparacaqlar. Onların əsas rəqibləri Hindistan, Çexiya, Qazaxıstan, Özbəkistan, Çin və digər ölkələrin nümayəndələri olacaq.

Oxşar xəbərlər

Hüseynov İspaniya şahmat turnirinin reytinq-favoritidir

İsgəndərov Türkiyə turnirində liderliyini davam etdirir

“Aeroflot Open–2018” turnirində ölkəmizi beynəlxalq qrossmeyster təmsil edəcək

Masters turnirində Azərbaycanın şərəfini beynəlxalq qrossmeysterimiz qoruyacaq

Quliyev Qata Kamski ilə bir turnirdə