Ukraynada keçirilən səmti müəyyənetmə idmanı üzrə “Xatirə kuboku–2018” yarışlarında iştirak edən Azərbaycan idmançıları uğur qazanıblar.

Sportfm.az xəbər verir ki, yarışda idmançılarımız Süleyman Əliyev və Sevda Verdiyeva 2-ci, Vladislav Tuzov isə 3-cü idman dərəcələri qazanıblar.

Ölkəmizi yarışlarda beş idmançı təmsil edib. Kişilərin yarışında 21E kateqoriyasında Süleyman Əliyev və Vladislav Tuzov, qadınların mübarizəsində isə 21E kateqoriyasında Sevda Verdiyeva və Anna Kamayeva güclərini sınayıblar. Həmçinin kişilər arasında 35 yaş kateqoriyasında Xəyyam Məmmədov mübarizə aparıb.

Yarışlarda 12,4 kilometr məsafəni 2 saat 37 dəqiqəyə qət edən Süleyman Əliyev 18-ci, 2 saat 46 dəqiqəyə tamamlayan Vladislav Tuzov isə 21-ci olublar. Qızların yarışında 9,8 kilometr məsafəni 2 saat 36 dəqiqəyə qət edən Sevda Verdiyeva 10-cu, Anna Kamayeva isə 18-ci yeri tutublar.

Yarışın sonuncu günündə idmançılar qısa məsafəyə qaçış üzrə güclərini sınayıblar. Psel çayının sahilində yerləşən qaçış ərazisində təşkil olunan yarışda Süleyman Əliyev 12-ci, Vladislav Tuzov isə 14-cü yerdə qərarlaşıblar. Qızlardan Anna Kamayeva 9-cu, Sevda Verdiyeva isə 16-cı olub. Xəyyam Məmmədov isə 12 yeri tutub.

Oxşar xəbərlər

Bakıda qələbə qaçışı baş tutdu - FOTO

Açıq birinciliyin qalibləri müəyyənləşdi - FOTO

Azərbaycan çempionatının qalibləri müəyyənləşdi - FOTO

BMX üzrə dünya çempionatının üçüncü gününə yekun vuruldu - FOTO

Bakıda dünya çempionatının qalibləri mükafatlandırıldı