Beynəlxalq Velosipedçilər İttifaqının (UCI) növbəti aylıq hesabat jurnalı işıq üzü görüb. Jurnal quruma üzv olan 190 milli federasiyaya göndərilib.

Sportfm.az xəbər verir ki, jurnalı bizim üçün əhəmiyyətli edən əsas məqam iyunun 5-9-da Bakıda keçirilən BMX üzrə dünya çempionatına geniş yer ayrılması və mundialda çəkilən fotoşəkilin UCI tərəfindən “Təşəkkürlər, Bakı! Bu heyranedici dünya çempionatı idi” adı altında ayın fotosu elan edilməsidir.

UCI prezidenti David Lappartienin milli federasiyalara ünvanladığı müraciətdə BMX üzrə Bakıda keçirilən dünya çempionatına da yer ayrılıb: “İyunun əvvəlində Bakıda keçirilən dünya çempionatı zamanı Azərbaycan Prezidenti İlham Əliyev ilə görüşmək şərəfinə nail oldum. Apardığımız müzakirələr olduqca ümidvericidir və bu ölkədə velosipedin gələcəyi ilə bağlı nikbin düşünməyə əsas verir. Şübhəsiz, Azərbaycan hazırda özünü bu sahədə təsdiqləmiş ölkədir”.

Oxşar xəbərlər

Prezident Tomas Baxı qəbul etdi - FOTO

Ərdoğandan "Avro-2020" açıqlaması

Prezident İlham Əliyev Beynəlxalq Velosipedçilər İttifaqının prezidentini qəbul etdi

Bu gün Bakıda dünya çempionatı start götürəcək

Dünya çempionatının başlanmasına 100 gün qaldı