Azərbaycan Triatlon Federasiyasında (ATF) “BakuTriClub”un üzvləri ilə görüş keçirilib.

Sportfm.az xəbər verir ki, görüşdə Azərbaycan idmançılarının da iştirak edəcəkləri “Ironman” üzrə qarşıdakı yarışlara hazırlıq məsələləri müzakirə olunub. İdmançılarımızdan Firdovsi Kərimov iyunun 17-də Astanada keçiriləcək “Ironman 70.3” turnirində iştirak edəcək. İyulun 8-də isə idmançılarımız Almaniyada təşkil olunacaq “Ironman” üzrə Avropa çempionatında mübarizə aparacaqlar. Firdovsi Kərimov və digər triatlonçumuz Aleksandr Parxomovski Frankfurtda keçiriləcək beynəlxalq turnirdə qüvvələrini sınayacaqlar.

Federasiyanın prezidenti Azər Məhərrəmov idmançılara uğurlar arzulayıb.

Xatırladaq ki, “BakuTriClub” Azərbaycan Triatlon Federasiyasının təşəbbüsü ilə yaradılıb.

Oxşar xəbərlər

Triatlon Federasiyasının yeni prezidentinin adına aydınlıq gəlib

Triatlon Federasiyasında yeni prezident - Təyinat

Böyük triatlon yenidən Azərbaycana qayıdır

Ölkəmizdə triatlonun inkişafına dair müzakirələr aparıldı

Bakıda beynəlxalq seminar keçiriləcək