Formula 1-in “Liberty Media”dan olan sahibləri həftəsonunda əyləncə proqramlarının optimallaşdırılması məqsədilə tamaşaçıların avtodromlarda davranışı barədə məlumatları toplayırlar.

Sportfm.az xəbər verir ki, Ostində keçirilən ötənilki ABŞ Qran-Prisində tamaşaçıların hərəkətlərinin izlənilməsinə dair eksperimental layihə maraqlı bir faktı göstərib. Finiş başa çatdıqdan sonra təxminən 45 min tamaşaçı avtodroma – Castin Timberleykin konsertinə toplaşıb.

“Liberty Media”da fəallıq təhlilini bu il də - Azərbaycan, Kanada, İspaniya, Böyük Britaniya, Belçika və İtaliya qran-priləri zamanı davam etdirməyə qərar veriblər. Bundan məqsəd tamaşaçıların davranış xüsusiyyətlərini müəyyənləşdirmək və daha çox tamaşaçı cəlb etməkdir.

Qlobal tədqiqatlar şöbəsinin rəhbəri Metyu Roberts deyib: “Televiziya auditoriyasının ölçüləri barədə məlumatımız var idi, lakin biz trasdakı azarkeşlər haqqında heç nə bilmirdik: onlar kimdir, nə ilə maraqlanırlar, özlərini necə aparırlar, avtodromun hansı hissələrində olurlar. İndi isə biz onlar haqqında daha çox məlumat əldə etmişik”.

Oxşar xəbərlər

Portimaodakı tamaşaçı sayı 27 minə endirildi - Formula 1

Türkiyə Qran-Prisində 100 minədək tamaşaçı - Formula 1

Sinqapur Formula 1-in keçirilmə vaxtını təsdiq etmədi

"CBC Sport" kanalında yeni layihə - MOK-la birgə

Formula 1 yürüşləri tamaşaçısız keçə bilər