21 yaşadək futbolçulardan ibarət milli komandamızın üzvü Fərid Nəbiyev Gürcüstanın "Şevardeni" klubunun heyətində ilk qolunu vurub.  

Sportfm.az xəbər verir ki, Tbilisi təmsilçisi ölkə çempionatının IV turunda öz meydanında "Merani"ni qəbul edib. Görüş meydan sahiblərinin 2:1 hesablı qələbəsi ilə başa çatıb. Görüşdə ilk qol 24-cü dəqiqədə vurulub. Komanda yoldaşından ötürmə alan Nəbiyev qapını dəqiq nişan alıb. Meydan sahibləri 32 dəqiqədə Omar Patarkatiaşişvili ilə hesab arasındakı fərqi 2-ə çatdırıblar. "Merani" 77-ci dəqiqədə buraxdığı qollardan birinin əvəzini çıxmağı bacarıb. 

Ümumilikdə, "Qəbələ Futbol Akademiyası"nın yetirməsi oyunun ən fəallarından biri olub. İki həftədir "Şevardeni"nin düşərgəsinə qatılan gənc oyunçu matçı əvəzlənmədən keçirib.  

Qeyd edək ki, icarə əsasında "Şevardeni"də çıxış edən istedadlı oyunçu ötən həftəki debüt matçında qol ötürməsi ilə yadda qalıb.  

Oxşar xəbərlər

21 yaşlı azərbaycanlı futbolçu legioner həyatı yaşayacaq - EKSKLÜZİV

Azərbaycanlı Çexiyada bombardir oldu

Millimizin üzvü Gürcüstanda növbəti qolunu vurdu

Azərbaycanlı futbolçu Gürcüstan çempionatında debüt etdi

Çexiya klubu azərbaycanlı futbolçunu Tiflisə niyə göndərdi?