Futzal üzrə Yüksək Liqada qış fasiləsinə yekun vurulub. 15-ci turun ilk matçında lider "Araz" EKOL-u 3:0 hesabı ilə məğlub edib. Oyundan sonra Naxçıvan klubun və yığmamızın baş məşqçisi Joze Alesio Da Silva Sportfm.az saytına danışıb:"Təbii ki, Avropa çempionatından sonra biraz yorğunluq vardı. Üstəlik, rəqib güclü EKOL idi. Bu qarşılaşmadan 3 xalla ayrılmaq istəyirdik. Bu çox vacib idi və biz bunu bacardıq. Qitə birinciliyindən sonra onlarla psixoloji söhbət etdim. Komandanı tərk edən 3 futzalçını yəqin ki, hər bir komanda heyətində görmək istəyərdi. Rafael Vilela, Qabriel Bastos və Maykon Da Silvanın yoxluğu təbii ki, bizə mənfi təsir göstərəcək. Amma klub prezidenti belə qərar verdi və mən də onunla razılaşdım. Yeni transferimiz olan iranlı Reza Toloui inanıram bizə kömək edəcək. Hələ ki, komandayla cəmi iki gündür məşqlərə çıxır. Bizim taktikamıza uyğunlaşmaq üçün ona vaxt lazımdır. Ona görə də bu gün onu meydanda görmədik".

Qeyd edək ki, EKOL-la görüşdə "Araz"ın qollarını Tyaqo, Edu və Ramiz Çovdarov vurub.  

Oxşar xəbərlər

Futzal millisinin yoldaşlıq oyunları üçün heyəti - SİYAHI

Zaur Axundov oyunçuların maaşlarını ödəyə bilmir - ÖZƏL

Joze Alesio Da Silva: Bu çox pis haldır - Müsahibə

Futzal yığmamız İrana kimləri aparır?

Futzal yığmamıza kimlər dəvət ediləcək? - ÖZƏL