Almaniya millisinin baş məşqçisi Yoahim Löv bu gün EURO 2016-nın yarımfinalında Fransa ilə oyun ərəfəsində ciddi problemlə üzləşib. Qol.az-ın xəbərinə görə, cəzalı Mats Hummelslə yanaşı, zədəli Mario Qomes və Samir Xediranın da bu matçı buraxacağı dəqiqləşib. Almaniya Futbol Federasiyasının saytına açıqlamasında Löv bildirib ki, adları çəkilən oyunçuları əvəz etmək çətin olacaq. "Amma biz çalışacağıq ki, həmin oyunçuların yoxluğunu sığortalaya bilək. Mən bütün futbolçularına inanıram” – deyə o bildirib.