Almaniya millisinin baş məşqçisi Yoahim Löv yerli mətbuata maraqlı açıqlama verib. Futbolinfo.az xəbər verir ki, çalışdırıcı Azərbaycan yığması ilə DÇ-2018-in seçmə mərhələsi çərçivəsində keçiriləcək oyunu qrupun "top matçı” adlandırıb: "Azərbaycan təəccüblü komandadı. Qrupda artıq 7 xal toplayıblar. Azərbaycanın davamlı xallar qazanması maraqlıdı. Onlarla matç heç də asan olmayacaq. Martda bu komandaya qarşı çətin oyun keçirəcəyik”.

Qeyd edək ki, Azərbaycan – Almaniya matçı gələn il martın 26-da Bakıda keçiriləcək.