Sportfm.az xəbər verir ki, Avropa liqasının ilk təsnifat mərhələsində Moldova təmsilçisi "Daçiya" ilə üz-üzə gələn "Kəpəz" meydandakı mübarizədən əlavə, rəqibin meydandankənar törətdiyi əməllərində qarşısını almalıdır. İlk görüşdən əvvəl moldovalıların rəsmi saytında Mərdəkan qəsəbəsini ermənilərin məskunlaşdığı yer kimi qələmə verməsi buna bariz nümunədir. Artıq ilk görüşdən (0:0) sonra qarşı tərəf daha bir provakasiyaya əl atıb. "Daçiya"nın rəsmi saytında ilk matçın nəticəsini əks etdirən anonsda "Kəpəz" yerinə FK Gəncə yazılıb. Komandanın əvvəllər bu adla çıxış etməsi hər kəsə məlumdur. Ancaq moldovalıların bütün digər materiallarda "Kəpəz" adını qeyd edərək, məhz burada yalnışlığa yol verməsini, bilərəkdən provakisayaya əl atmaq kimi qiymətləndirmək olar. Təəssüflər olsun ki, Gəncə təmsilçisinin rəsmiləridə bu məsələyə göz yumur.