Avropa liqasının 2-ci mərhələsində  təmsilçimiz "Kəpəz" səfərdə Avstriya təmsilçisi "Admira" ilə keçirdiyi görüşdə 0:1 hesabı ilə məğlub olub. Sportfm.az xəbər verir ki, Gəncə komandasının ilk mərhələdə yolundan kənarlaşdırdığı Moldova "Daçiya"sının provakasiyaları hər kəsin yadındadır. Belə görünür ki, Avstriya klubu moldovalıların yolu ilə getməyi qərara alıb. Onların etdiyi təxribata başqa ad vermək olmur. Belə ki, bir az bundan öncə "Admira"nın rəsmi feysbuk səhifəsində Bakıya səfərə yollanacaqları ilə bağlı hazırlanan məlumatın altında yerləşdirilən xəritədə avstriyalılar Naxçıvan Muxtar Respublikasını Azərbaycan ərazisi kimi qələmə verməyib. Bunun adı ölkəmizin ərazi bütövlüyünə qarşı böyük bir provakasiyadır. Ümidvarıq ki, klub rəhbərliyi bu səhvin aradan qaldırılması üçün qarşı tərəfə müraciət edəcək.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

P.S. saytımız avstriyalılara artıq belə bir müraciət ünvanlayıb.