FİFA və Peşəkar Futbolçular Birliyi (FİFPro) arasında daha səmərəli fəaliyyət məqsədilə 6 illik anlaşma imzalanıb.

Sportfm.az xəbər verir ki, bu anlaşma transfer sisteminin yaxşılaşdırılması, futbolçuların fərdi məşqlərə məcbur edilməsi, futbolçu və klublar arasında yaranan konfliktlərin həllini sürətləndirməyə kömək edəcək. Belə ki, məvacibi 2 ay gecikən futbolçuların azad agentə çevrilməsi və onların əsassız şəkildə komandanın məşqlərindən kənarlaşdırılmasına qadağa müzakirə olunacaq. FİFPro 2015-ci ildə FİFA-ya transfer sistemi ilə bağlı məhkəmə şikayətini də geri götürüb.

"Bu gün peşəkar futbol idarəçiliyinin inkişafı üçün önəmli dönüş nöqtəsidir. Transfer sisteminin nəzərdən keçirilməsi üçün icra olunacaq iş birliyini görməyi səbirsizliklə gözləyirəm" - qurumun prezidenti Canni İnfantino bildirib.

Oxşar xəbərlər

Elxan Məmmədov Canni İnfantino ilə görüşdü

FIFA-ya maddi yardım üçün müraciət etdilər - 441 futbolçu

Müflis olan futbolçularla bağlı qərar

FIFA yeni fond yaradacaq - Maaşsız futbolçu qalmayacaq

Rövnəq Abdullayev İnfantino ilə görüşdü