Dağıstanın paytaxtı Mahaçqalada Pekin Olimpiadasının gümüş medalçısı Murad Qaydarovun şərəfinə sərbəst güləş üzrə 7-ci beynəlxalq turnir keçirilib.

Sportfm.az xəbər verir ki, turniri digər yarışlardan fərqləndirən əsas cəhət idmançıların yalnız bir çəki dərəcəsində mübarizə aparmaları olub. Vaxtilə Murad Qaydarovun yüksək nəticələr qazandığı 74 kiloqram çəki dərəcəsində baş tutan turnirdə yığmamızın kapitanı Cəbrayıl Həsənov iştirak edib.

Finaladək üç görüş keçirən Cəbrayıl Həsənov ilk qarşılaşmasında alnından zədələnsə də, mübarizəni sonadək davam etdirib. Yarımfinalda Maqomed Xizriyevlə gərgin keçən görüş 12:12 hesablı bərabərliklə yekunlaşıb. Tətbiq etdiyi 4 xallıq fəndlə rəqibindən üstün olan Cəbrayıl Həsənov görüşü qalib başa vurub və finala yüksəlib.

Həlledici görüşdə Taciddin Akayevlə qarşılaşan güləşçimiz görüşün əvvəlində yenidən zədələnib. Bu dəfə ayağından zədə alan Cəbrayıl görüşü davam etdirə bilməyib və turniri ikinci sırada tamamlayıb.

Oxşar xəbərlər

Cəbrayıl Həsənov dünya çempionatının finalında

"Çempionluq üçün nə isə çatmadı" - Cəbrayıl Həsənov

Cəbrayıl Həsənov finalda uduzdu

Cəbrayıl Həsənov finalda, Hacı Əliyevdən uğursuz start - dünya çempionatı

Rio-2016: Hacı Əliyev və Cəbrayıl Həsənov bürünc medal qazandılar