Azərbaycanın sərbəst güləşçiləri Macarıstanın paytaxtı Budapeştdə keçirilən dünya çempionatında bir medalla kifayətlənib.

Sportfm.az xəbər verir ki, bu növ üzrə 10 pəhləvandan yalnız Cəbrayıl Həsənov mükafatçılar sırasına düşməyi bacarıb. 28 yaşlı idmançı bu gün keçirilən final görüşündə ABŞ təmsilçisi Kayl Duqlas Deykə uduzaraq, gümüş medal əldə edib.

Qalan sərbəst güləşçilərə gəldikdə, Hacı Əliyev (65 kq), Hacımurad Hacıyev (70 kq), Murad Süleymanov (86 kq) və Camaləddin Məhəmmədov (125 kq) təsnifat mərhələsində, Pərviz İbrahimov (61 kq) və Şərif Şərifov (92 kq) 1/8 finalda, Georgi Edişeraşvili (57 kq), Abubakr Abakarov (74 kq) və Aslanbek Alborov (97 kq) 1/4 finalda uduzaraq, mübarizəni dayandırıb.

Oxşar xəbərlər

4 güləşçimiz yarımfinalda - Təsnifat turniri

Güləşçilərimiz Dağıstanda hazırlaşacaq - FOTO

Cəbrayıl Həsənov finalda, Hacı Əliyevdən uğursuz start - dünya çempionatı

Dünya çempionatı üçün Azərbaycan yığmalarının heyəti açıqlandı

Güləşçilərimiz Avropa çempionatında erməni rəqiblərini məğlub etdi