Rumıniyanın paytaxtı Buxarest şəhərində güləş üzrə gənclər arasında Avropa çempionatı keçirilir.

Sportfm.az xəbər verir ki, 66 kq çəki dərəcəsində mübarizə aparan yunan-roma güləşçimiz Sənan Süleymanov 1/8 final mərhələsinin görüşünə çıxıb.

O, sözügedən turda Ermənistanı təmsil edən Malxas Amoyanla üz-üzə gəlib. 

İdmançımız rəqibini 9:6 hesabı ilə məğlub edərək 1/4 finala yüksəlib.

Güləşçimiz 1/4 final mərhələsində Slovakiya təmsilçisi Leos Drmola üzərində 10:2 hesablı qələbə qazanaraq yarımfinala adlayıb.

Qeyd edək ki, yarımfinal mərhələsində Sənan Süleymanovun rəqibi Ukrayna təmsilçisi Pərviz Nəsibov olacaq.