Sportfm.az xəbər verir ki, Uelsin şimalında yerləşən Bala şəhərinin adı müvəqqəti olaraq dəyişdirilib. "Real” Madridin və Uels yığmasının ulduz futbolçusu Qaret Beylin şərəfinə, şəhərin adı Avropa çempionatı boyunca Beyl olacaq. Şəhər rəhbərliyi bu addımı atmaqla, xeyli sayda turist cəlb etməyi düşünür, həmçinin əhalinin istəyini nəzərə alan Beyl meriyası, EURO 2016-nın bitimində futbolçunu bu kiçik şəhərə dəvət edəcəklərini açıqlayıblar. Qeyd edək ki, turnir başa çatdıqdan sonra şəhər əvvəlki adına qovuşacaq.