Rusiya ilə görüşdə Uelsin qazandığı qələbədə (3-0) son topu Qaret Beyl qapıdan keçirdi. 

Sportfm.az xəbər verir ki, qrup mərhələsində hər oyuna bir dəfə fərqlənən ulduz  futbolçu bununla qollarının sayını üçə çatdırıb. Beyl EURO 2016-da bombardirlər siyahısında liderlik etməklə yanaşı, həm də Uels yığmasının Avropa çempionatının final mərhələsində ən çox fərqlənən futbolçusudur.

Qeyd edək ki, Beyldən əvvəl cəmi altı futbolçu qrup mərhələsində üç top vurublar: Mişel Platini (1984), Xristo Stoiçkov (1996), Alan Şirer (1996), Savo Miloşeviç (2000), Milan Baroş (2004) və Ruud Van Nistelroy (2004).