Çinin Sincan-Uyğur Muxtar Rayonunda boks üzrə böyüklər və gənclər (U-19) arasında beynəlxalq “Kəmər və Yol” turniri keçirilib. Yarışda iştirak edən Azərbaycan milli komandaları 10 (2-3-5) medal qazanıblar.
Sportfm.az xəbər verir ki, dünya çempionatına hazırlaşan U-19 yığmamızın heyətində Nihat Qasımov (55 kq) və Səftər Məmmədzadə (+90 kq) turnirin qalibi olublar. Heydər Əzməmmədov (85 kq) gümüş, Əli Baxışov (60 kq), Renat Qiyaslı (80 kq) və Zaur Səmədov (90 kq) bürünc medala yiyələniblər.

Əsas komandamızın heyətində isə Tural Sarıyevlə (55 kq) Sərxan Əliyev (70 kq) ikinci, Zəlimxan Süleymanov (55 kq) və Zaur Qəhrəmanov (65 kq) üçüncü yeri tutublar.

Qeyd edək ki, boksçularımız Çində yarışdan öncə 26 ölkənin iştirakı ilə beynəlxalq təlim-məşq toplanışına da qatılıblar.

Oxşar xəbərlər

Boksçularımızdan Gürcüstanda 12 medal

Boksçularımız 4 medal qazandı

Boks üzrə Azərbaycan çempionatı başa çatdı

Boksçularımız beynəlxalq turnirdə 7 medal qazandı

Yığmamız beynəlxalq turniri 4 medalla başa vurdu