Bu gün Azərbaycan təmsilçisi "Qarabağ" Konfrans Liqasının pley-off mərhələsində ilk oyununa çıxacaq.
Sportfm.az xəbər verir ki, Qurban Qurbanovun komandası "Tvente" ilə Niderlandda qarşılaşacaq. "De Qrolş Veste" stadionunda keçiriləcək görüş Bakı vaxtı ilə saat 22:00-da start götürəcək. Matçı Albaniyadan olan hakimlər briqadası idarə edəcək.

Komandalar arasında cavab oyunu avqustun 27-də Bakıda - Tofiq Bəhramov adına Respublika Stadionunda olacaq.

"Qarabağ" və "Tvente" komandaları bunadək 2009-cu ildə və 2014-cü Avropa Liqasının pley-off mərhələlərində üz-üzə gəliblər. İlk dəfə mərhələ keçən tərəf "Tvente" olub (3:1, 0:0). İkinci dəfə isə "Qarabağ uğur qazanıb. Bakıdakı ilk matç 0:0, Enşededəki cavab oyunu 1:1 hesabı ilə yekunlaşıb. Qurban Qurbanovun komandası o vaxtkı səfər qolu sayəsində tarixində ilk dəfə avrokubokların qrup mərhələsinə vəsiqə qazanıb.

Konfrans Liqası, pley-off mərhələsi, ilk oyun

20 avqust

22:00. "Tvente" (Niderland) - "Qarabağ" (Azərbaycan)

Baş hakim: Cuxin Caca (Albaniya)

"De Qrolş Veste", Enşede, Niderland

Oxşar xəbərlər

"Qarabağ" səfərə getdi - FOTO

"Tvente" ilə matçın hakimləri məlum oldu

"Tvente" - "Qarabağ" matçının başlama vaxtı

"Qarabağ" "Dinamo" ilə üz-üzə - YENİLƏNİR

“Qarabağ” “Tvente” ilə qarşılaşacaq