“Qarabağ”ın Avstriyadakı təlim-məşq toplanışındakı yoxlama oyunlarının vaxtı və rəqibləri müəyyənləşib. Komanda Zell-Am-Seenin Kaprun bölgəsində 4 sınaq matçına çıxacaq.
Sportfm.az xəbər verir ki, iyulun 7-də keçiriləcək ilk görüşdə rəqib Xarkov “Metallist”i olacaq. Qarşılaşma yerli vaxtla saat 17:30-da (Bakı vaxtı ilə 19:30-da) başlayacaq.

Dörd gün sonra “Qarabağ” “Tvente” ilə iki görüşə çıxacaq. Niderland təmsilçisi ilə oyunlar yerli vaxtla saat 15:00 və 17:15-də (Bakı vaxtı ilə 17:00 və 19:15-də) start götürəcək.

İyulun 15-də baş tutacaq toplanışın son matçı “Zalsburq”a qarşı olacaq. Görüş yerli vaxtla saat 18:00-da (Bakı vaxtı ilə 20:00-da) başlayacaq. Qarşılaşmaların dördü də Kaprun stadionunda baş tutacaq.

Hazırlığa iyunun 18-də Bakıda start verən komanda iyulun 2-dən 16-dək Avstriyada təlim-məşq toplanışı keçirəcək.

Oxşar xəbərlər

“Qarabağ”ın hazırlıq planı məlum oldu

“Qarabağ” “Molde” ilə matçdan əvvəl son məşqi Bakıda keçirəcək

Qurbanov jurnalistlərin önünə nə vaxt çıxacaq?

Yığmamızın Makedoniya ilə matçının vaxtı dəyişdirildi

"Zirə" Türkiyədə iki sınaq matçı keçirəcək