Azərbaycan təmsilçisi İmaməddin Xəlilov Dünya Parataekvondo Federasiyasının açıqladığı reytinqdə liderliyini qoruyub.

Sportfm.az xəbər verir ki, bu barədə Azərbaycan Milli Paralimpiya Komitəsi məlumat yayıb.

70 kq çəki dərəcəsində yer alan paralimpiya çempionu 495.75 xalla birinci pillədə qərarlaşıb.

58 kq çəki dərəcəsində isə paralimpiadanın bürünc medalçısı Sabir Zeynalov iyunda iştirak etdiyi iki turnirdə qazandığı 2 qızıl medal sayəsində reytinqini 381.15 xala yüksəldərək bir pillə irəliləyib və ikinci yerə yüksəlib.

63 kq çəki dərəcəsində Amin Əliyev 52.91 xalla bir pillə irəliləyərək 21-ci yerə yüksəlib. Amin Şıxalıyev 39.71 xalla 23-cü sırada qərarlaşıb. Orxan Cəfərov 80 kq çəki dərəcəsində 45.83 xalla 24-cü pillədəki mövqeyini qoruyub.

Qadınların 47 kq çəki dərəcəsində çıxış edən Səmayə Həsənova 42.32 xalla iki pillə irəliləyərək 20-ci sıraya yüksəlib.

Oxşar xəbərlər

Voleybolçularımız dünya və Avropa reytinqində irəlilədi

İdmançımız beynəlxalq turnirdə “qızıl” qazandı

Gənc cüdoçulardan 6 medal

Rüstəm Orucov dünyanın bütün cüdoçularını arxada qoydu

Əhmədov hamıdan güclüdür!