Bu gün 2026/27 mövsümü UEFA Konfrans Liqasının 1-ci təsnifat mərhələsinin püşkü atılıb.

Sportfm.az xəbər verir ki, İsveçrənin Nyon şəhərində keçirilən mərasim Bakı vaxtı ilə saat 20:00-da başlayıb.

“Turan Tovuz” cəza səbəbindən avrokuboklara buraxılmadığı üçün KL-də Azərbaycanın 2-ci təmsilçisi olacaq “Zirə”nin rəqibi müəyyənləşib. Püşkün nəticəsinə əsasən, paytaxt təmsilçisinin rəqibi "Torpedo" (Gürcüstan) olub. Rəşad Sadıqovun komandası ilk oyunu evdə keçirəcək.

Qeyd edək ki, "Zirə" mübarizəyə 1-ci mərhələdən, digər təmsilçimiz “Neftçi” isə 2-ci mərhələdən başlayacaq.

“Neftçi”nin rəqibi iyunun 17-də keçiriləcək 2-ci mərhələnin püşkatmasında müəyyənləşəcək.

1-ci təsnifat mərhələsinin ilk oyunları iyulun 9-da, cavab görüşləri isə iyulun 16-da keçiriləcək.

Oxşar xəbərlər

"Qarabağ" üçün İslandiya komandası - Avropa Liqası

"Sabah"ın rəqibi bilindi - Çempionlar Liqası

"Zirə"nin potensial rəqibləri məlum oldu

"Zirə"nin rəqibi müəyyənləşdi - Avropa Liqası

"Zirə" Avroliqadakı rəqibi hansı komanda olacaq? - Püşkatma