Joze Mourinyo Türkiyəyə qarşı Avropa İnsan Hüquqları Məhkəməsinə (AİHM) şikayət təqdim edib.

Sportfm.az xəbər verir ki, "Reuters" nəşrinin məlumatına görə, portuqaliyalı mütəxəssis "Fənərbaxça"da çalışdığı dövrdə tətbiq edilən intizam sanksiyalarından narazıdır və ədalətli məhkəmə hüququnun pozulduğunu iddia edir. Müraciət artıq icraata qəbul olunub və Türkiyə hökumətindən rəsmi izahat tələb edilib.

Xatırladaq ki, Mourinyonun şikayəti 2024-cü ildə "Trabzonspor"la səfərdə əldə edilən 3:2 hesablı qələbədən sonra Türkiyə Futbol Federasiyası (TFF) tərəfindən ona tətbiq edilən 600 min türk lirəsi (təxminən 13,074 dollar) məbləğində cərimə və 1 oyunluq paltardəyişmə otağına giriş qadağası ilə bağlıdır. TFF onu matç zamanı rəqib azarkeşlərə qarşı qeyri-idman hərəkətlərinə və oyundan sonra hakimliyi sərt tənqid etdiyinə görə cəzalandırmışdı.

Qeyd edək ki, AİHM iş üzrə araşdırmanın yeni başladığını və yekun qərarın hələ verilmədiyini açıqlayıb.

Oxşar xəbərlər

Mourinyo ona dəstək olan insanlara təşəkkür etdi

Joze Mourinyo əməliyyat olundu

TFF Joze Mourinyonu cəzalandırdı - Qərar

"Merihə qarşı tətbiq edilən cəza ədalətsizdir" - İlham Əliyev

Futbolçunun apellyasiya şikayəti təmin olunmadı