"Formula-1" üzrə yeddiqat dünya çempionu Mixael Şumaxerin səhhətində müsbət irəliləyiş qeydə alınıb və o, artıq yataq xəstəsi deyil.

Sportfm.az xarici KİV-ə istinadən xəbər verir ki, əfsanəvi pilot hazırda Mayorka dağ silsiləsindəki malikanəsindədir.

Almaniyalı sabiq sürücü tibb bacısı və terapevtin köməyi ilə əlil arabasında hərəkət edə bilir.

57 yaşlı Şumaxer 2013-cü ildə peşəkar karyerasını bitirdikdən sonra Alp dağlarında xizək sürərkən ağır kəllə-beyin travması alıb. Uzun müddət yataq xəstəsi olan və süni tənəffüs aparatına qoşulan sabiq pilotun son vəziyyəti barədə məlumatlar gizli saxlanılırdı.

Qeyd edək ki, M.Şumaxer "Formula-1" tarixinin ən yaxşı pilotlarından biri hesab olunur. O, qazandığı qələbə (91), podium (155) və poul-pozisiya (68) sayına görə yalnız britaniyalı Lyuis Hemiltondan geri qalaraq siyahıda ikinci pillədə qərarlaşıb.

Oxşar xəbərlər

Şumaxerin son durumu açıqlandı

Əməliyyatı alınmayacaq! - Şumaxerin

Mixael Şumaxerə hüceyrə köçürüləcək

Mixael Şumaxerdən yeni xəbər var

İflic olan əfsanəvi Mixael Şumaxer yeriməyə başladı