Dekabrın 2-də futbol üzrə Bizon Azərbaycan kubokunda 1/8 final mərhələsinə iki oyunla start verilib.

Sportfm.az xəbər verir ki, əvvəlcə “Turan Tovuz” “Şahdağ Qusar”la qarşılaşıb. Oyun Premyer Liqa təmsilçisinin qələbəsi ilə yekunlaşıb. “Turan Tovuz” növbəti mərhələdə “Araz-Naxçıvan” – “Kəpəz” duelinin güclüsü ilə qarşılaşacaq.

“Neftçi” isə “Zirə” ilə üz-üzə gəlib. Qəsəbə təmsilçisi əlavə vaxtda vurduğu yeganə qolla mərhələ adlayıb. “Zirə” növbəti mərhələdə “Difai” – “Sumqayıt” qarşılaşmasının qalibinə rəqib olacaq.

1/8 final mərhələsinin daha üç oyunu dünən keçirilib. “Şamaxı” doğma meydanda “Baku Sportinq”i qəbul edib. Meydan sahibləri matçda vurduqları yeganə qol sayəsində növbəti mərhələyə yüksəliblər. Bölgə təmsilçisi 1/4 finalda “Qarabağ”la qarşılaşacaq.

“Sabah” Qubada “İmişli” ilə növbəti mərhələyə vəsiqə üçün mübarizə aparıb. Matçın əsas vaxtında qalib müəyyənləşmədiyindən, əlavə vaxt oynanılıb. “Sabah” əlavə vaxtda vurduğu qol sayəsində 1/4 finala çıxıb. Komanda 1/4 finalda “Qəbələ” – “Şəfa” cütünün qalibi ilə üz-üzə gələcək.

Günün son oyununda “Qarabağ”la “Karvan-Yevlax” qarşı-qarşıya gəlib. Rəqibini darmadağınla yenən Ağdam təmsilçisi 1/4 finala yüksəlib.

Bu gün keçiriləcək oyunlarla 1/4 finalın qalan iştirakçılarının adları da məlum olacaq.

Əvvəlcə “Qəbələ” “Şəfa”nı sınağa çəkəcək.

“Kəpəz”i isə bu mərhələdə “Araz-Naxçıvan”la qarşılaşma gözləyir.

“Sumqayıt” növbəti mərhələyə yüksəlmək üçün “Difai” səddini keçməlidir.

Azərbaycan kuboku, 1/8 final mərhələsi

2 dekabr

Şahdağ Qusar – Turan Tovuz 1:2
Qol: Famil Camalov, 76-pen – Ayxan Hüseynov, 4-pen. Aleks Souza 64.
Hakimlər: Rəvan Həmzəzadə, Cəmil Quliyev, Kərim Zeynalov, Kamran Əliyev
Hakim-inspektor: Ramil Diniyev
AFFA nümayəndəsi: Elman Musayev
“SOCAR Polymer Arena”, 15:00

Oxşar xəbərlər

"Sabah" 1/4 finalda - Azərbaycan kuboku

Bu gün 1/8 finalın daha 3 oyunu keçiriləcək - Azərbaycan kuboku

"Turan Tovuz" 1/4 finalda - Azərbaycan kuboku

“Turan Tovuz” “Şahdağ Qusar”a, “Neftçi” “Zirə”yə qarşı - Azərbaycan Kuboku

1/8 finalda 4 Birinci Liqa komandası - Azərbaycan kuboku