Səudiyyə Ərəbistanının paytaxtı Ər-Riyad şəhərində keçirilən VI İslam Həmrəyliyi Oyunlarında ən yüksək nəticələr göstərmiş Azərbaycan idmançılarının, onların məşqçilərinin və idmançıların oyunlara hazırlığı prosesində iştirak etmiş digər mütəxəssislər mükafatlandırılıb.

Sportfm.az xəbər verir ki, bununla əlaqədar Prezident İlham Əliyev Sərəncam imzalayıb.

Sərəncamla mükafatlandırılma üçün Azərbaycan Prezidentinin ehtiyat fondundan Gənclər və İdman Nazirliyinə 1 milyon 900 min manat vəsait ayrılıb.

Nazirlik idmançılar arasında rəqabətin səviyyəsi, ən yüksək nəticələrə görə medalların sayı, fərdi və ya komanda yarışlarında iştirakı nəzərə alınmaqla idmançıların, onların məşqçilərinin və idmançıların oyunlara hazırlığı prosesində iştirak etmiş digər mütəxəssislərin mükafatlandırılması üçün nəzərdə tutulmuş vəsaitin bölgüsünə, habelə vəsaitin ödənilməsinə dair qaydanı 10 gün müddətində hazırlayıb təsdiq etməli, ayrılmış vəsaitin nəzərdə tutulmuş qaydaya uyğun olaraq ödənilməsini təmin etməlidir.

Maliyyə Nazirliyi isə göstərilən məbləğdə maliyyələşməni aparmalıdır.

Azərbaycan komandası Oyunları 59 medal (9 qızıl, 19 gümüş, 31 bürünc) ilə 10-cu yerdə tamamlayıb. Ölkəni 20 idman növü üzrə 179 idmançı təmsil edib.

Oxşar xəbərlər

Minifutbol Federasiyasına 2 milyon ayrıldı - Sərəncam

Fərid Qayıbovun səlahiyyətləri artırıldı

Prezident Gənclər və İdman Nazirliyi ilə bağlı sərəncam imzaladı

Prezident Minifutbola 1 milyon manat ayırdı

Prezident İTV-yə maliyyə yardımı ayırdı - Olimpiya Oyunlarına görə