Qadın şahmatçılardan ibarət Azərbaycan millisi 17-24 noyabrda İspaniyanın Linares şəhərində keçiriləcək komandalar arasında dünya çempionatında iştirak edəcək.

Sportfm.az xəbər verir ki, bu barədə qərarı Beynəlxalq Şahmat Federasiyası qəbul edib.

Əlcəzair komandası yarışda iştirak edə bilmədiyinə görə yüksək reytinqə malik Azərbaycan seçməsi mötəbər yarışa dəvət olunub.

Azərbaycan A qrupunda yer alıb. Şahmatçılarımız FIDE, ABŞ, Qazaxıstan, İspaniya və Peru yığmalarıyla eyni qrupda yarışacaq. B qrupunda Çin, Gürcüstan, Ukrayna,Fransa, Özbəkistan və Hindistan yığmaları çıxış edəcək.

Azərbaycan komandasında Ülviyyə Fətəliyeva, Gövhər Beydullayeva, Xanım Balacayeva, Gülnar Məmmədova və Ayan Allahverdiyeva mübarizə aparacaq. Komandanın kapitanı İlahə Qədimova olacaq.

Oxşar xəbərlər

Yığmamız Özbəkistanla qarşılaşacaq - Dünya çempionatı

Şahmatçılarımız Ermənistan millisinə qalib gəldi

Şahmatçılarımız dünya çempionatında iştirak edəcək

Şahmatçılarımız dünya çempionatında mübarizə aparacaq

Şahmatçılarımız dünya çempionatına qatılacaq