Qazaxıstanın Aktau şəhərində keçirilən cüdo üzrə açıq Asiya Turniri başa çatıb.

Sportfm.az xəbər verir ki, son yarış günündə milli komandamızın daha 4 üzvü fəxri kürsüyə qalxıb.

Qadınlar arasında -70 kq çəki dərəcəsinin finalı Azərbaycan derbisi ilə əlamətdar olub. Südabə Ağayeva qızıl, Aytac Qardaşxanlı gümüş medalı boynundan asıb.

-78 kq çəki dərəcəsində çıxış edən Günel Həsənli də gümüş medala layiq görülüb. Kişilərin mübarizəsində Elmar Qasımov (-100 kq) bürünc medal əldə edib.

Qeyd edək ki, ötən gün Tofiq Məmmədov (-60 kq), Gültac Məmmədəliyeva (-52 kq) qızıl, Hüseyn Allahyarov (-60 kq), Ülviyyə Bayramova (-57 kq) gümüş, Elşən Əsədov (-66 kq) və İbrahim Əliyev (-73 kq) bürünc medalla yadda qalıblar.

Yekunda 3 qızıl, 4 gümüş və 3 bürünc olmaqla 10 medal qazanan Azərbaycan ümumi komanda hesabında üçüncü yeri tutub.

Oxşar xəbərlər

Cüdoçularımız Berlində 9 medal qazandı

Millimiz medal sayına görə birincidir

Cüdoçularımız qızıl medal qazana bilmədi - Avropa Kuboku

Rio-2016: ABŞ-dan 50-ci medal – MEDAL SİYAHISI

Rio-2016: Medal sıralaması