Köhnə "Şəfa"nı ələ keçirən "Barselona Akademiya"sının stadiona qoyduğu yeni qiymətlər məlum olub.

Saytımıza 4-cü meydançaya nəzarət edən Vaqif adlı şəxsin verdiyi məlumata görə,(düzdür o digər saytlara verdiyi müsahibələrdə bunu inkar edir) əvvəllər 25 manata olan yarı meydançanın qiyməti üç dəfə qalxaraq 75 manat olub. Bütöv meydança isə 70 manatdan 150 manata qaldırılıb.

Ən dəhşətlisi isə odur ki, qolunda qovluqla gəzən yeni şəxslər stadiona heç bir sərmayə qoymadan, asfalta dönən cırıq meydançanı təmir etmədən, olmayan soyunub-geyinmə otaqlarına əl gəzdirmədən, suyu illərdir gəlməyən meydança üçün qiymət oxuyurlar.

Yəni adamlar bura pul qazanmağa gəlib. Və onların gəlişindən sonra onlarla komanda, yüzlərlə uşaq meydançasız qalıb.

Bu isə pul qazanmaq istəyində olanlara maraqlı deyil. Məsələyə mütləq AFFA və dövlət qurumları qarışmalıdı.

Oxşar xəbərlər

"Barselona Akademiyası" köhnə "Şəfa"nı ələ keçirdi, qiymətlər qalxdı - PROBLEM

"Şəfa" klubu yeni stadiona köçür, təmir başladı - EKSKLÜZİV

“Turan” yeni meydançanın açılışını etdi - FOTOLAR

Bakıda yeni stadion peyda olub - iranlılar işlədir - FOTO

Millimizin forması 56 manata - Qiymətlər endirildi