Avqustun 4-də İsveçrənin Nyon şəhərində UEFA Çempionlar Liqasının pley-off mərhəələsinin püşkatma mərasimi keçiriləcək.

Sportfm.az azerisport.com-a istinadən xəbər verir ki, püşkatma zamanı Azərbaycan təmsilçisi “Qarabağ” da potensial rəqibini öyrənəcək. Qurban Qurbanovun komandası 3-cü təsnifat raundunda Şimali Makedoniya təmsilçisi “Şkendiya” ilə qarşılaşacaq. İlk oyun avqustun 5-i Skopyedə, cavab matçı avqustun 12-si Bakıda keçiriləcək.

Püşkatma zamanı “Qarabağ” - “Şkendiya” cütü səpələnməmişlər səbətində yer alacaq. Bu cütün qalibi pley-off mərhələsində səpələnmişlər səbətində yer alacaq aşağıda adları qeyd edilən komandalardan biri ilə qarşılaşacaq:

- “Bude-Qlimt” (Norveç)
- “Seltik” (Şotlandiya)

Və ya ÇL-də 3-cü raundun aşağıdakı cütlərinin qaliblərindən biri ilə:

“Malmö” (İsveç) – “Kopenhagen” (Danimarka)
“Lex” (Polşa) – “Srvena Zvezda” (Serbiya)
“Ludoqorets” (Bolqarıstan) – “Ferentsvaroş” (Macarıstan)

Püşkatma Bakı vaxtı ilə saat 14:00-da başlayacaq.

Çempionlar Liqasının pley-off mərhələsinin oyunları 19/20 və 26/27 avqust tarixlərində keçiriləcək.

Oxşar xəbərlər

"Qalatasaray" üçün İsveçrə çempionu - Püşkatma

Bu gün “Qarabağ”ın potensial rəqibi bilinəcək - Çempionlar Liqası

“Qarabağ” “Ludoqorets”i keçərsə bu komandalarla düşəcək - SİYAHI

“Qarabağ”ın “pley-off”dakı potensial rəqibi müəyyənləşir - Püşkatma

"Qarabağ" BATE-ni keçsə rəqibi hansı komanda ola bilər? - Potensial rəqiblər