"Real Madrid"in hücumçusu Kriştianu Ronaldu növbəti dəfə  Suriyada müharibədən əziyyət çəkən uşaqlara dəstək olub.

Sportfm.az xəbər verir ki, portuqaliyalı ulduz "İnstagram" səhifəsində bu barədə yazıb.

"5 il ərzində çox şey dəyişə bilər. Amma bəzi suriyalı uşaqlar üçün  heç nə dəyişməyib. Onları unutmayın".

32 yaşlı forvard daha öncə də suriyalı ailələr üçün yemək, geyim və tibbi yardım göndərməklə diqqət mərkəzinə düşmüşdü. O, ötən ilin dekabrında Hələbin hökumət qüvvələri tərəfindən mühasirəsi zamanı da sosial şəbəkə vasitəsilə öz dəstəyini göstərmişdi.