"Qəbələ"nin yarımmüdafiəçisi Endi Hallidey Avropa Liqasının II təsnifat mərhələsində "Panathinaikos"a qarşı oyun öncəsi yunan mətbuatına açıqlama verib.

Sportfm.az xəbər verir ki, şotland futbolçu səfərdə qələbə qazana biləcəklərini qeyd edib.

""Panathinaikos" öz tərzi ilə seçilən komandadır. Rəqibin heyətində çox təhlükəli oyunçular var. Düşünürəm ki, biz rəqibdən heç də zəif deyilik. Özümüzə görə oyun tərzimiz, yaşı heyətimiz var. Fikrimcə, "Jagiellonia" ilə səfər matçındakı kimi oynasaq, Afinadan sərfəli nəticə ilə qayıda bilərik. Bunu etmək üçün hər şey öz əlimizdədir, qarşımızı kəsən yoxdur".

Hesab edirəm ki, irəli çıxmaq üçün zamanımızı gözləməliyik. Bir-iki hücumla da oyunun taleyini həll etmək olar. Amma bütünlüklə müdafiə olunacağımızı zənn etmirəm. Əgər səfərdə qol vura bilsək, bizim üçün üstünlük olacaq. Belə olacağı təqdirdə cavab oyununda da rahatlıqla meydana çıxa bilərik".