“Qarabağ”ın baş məşqçisi Qurban Qurbanov Bakıda Rumıniya təmsilçisi FCSB-yə qarşı keçirdikləri UEFA Avropa Liqasının oyunundan sonra mətbuat konfransında iştirak edib.

Sportfm.az xəbər verir ki, Qurbanov 2:3 hesabı ilə məğlub olduqları oyun haqda bunları deyib:

“İlk öncə azarkeşlərimizə təşəkkür etmək istəyirəm. Bu mövsüm Avropa Liqasının bütün ev oyunlarında bizimlə bərabər oldular. FCSB ilə matçda da sona qədər bizə inandılar və güvəndilər. Düşünürəm ki, azarkeşlərin buna haqqı çatırdı. Təəssüf ki, bu mövsüm çıxışımız uğurlu alınmadı. Bir oyunda üç dəfə künc zərbəsindən qol buraxmaq insana ağır gəlir. Belə hallar futbolun xoşagəlməz tərəfləridir. Bir neçə qol şansı yaratdıq. Rəqib komanda standart vəziyyətlərə çox yaxşı hazırlaşmışdı. Bakıdakı son oyunumuzda qələbə qazanmaq istəyirdik. Hər bir halda pozitiv olmalı, qarşıdakı oyunlara baxmalıyıq”.

Oxşar xəbərlər

"Qarabağ" FCSB-yə qarşı - Avropa Liqası

"Rumıniya futbolu sərtliyi ilə seçilir" - Qurban Qurbanov

"Ani diqqətsizlik səbəbindən qapımızda qol gördük" - Qurban Qurbanov

"Eyni oyunu onlardan tələb edə bilməzdim" - Qurban Qurbanov

"Bura nəticə qazanmaq üçün gəlmişdik" - Qurban Qurbanov