“Qarabağ”ın baş məşqçisi Qurban Qurbanov Premyer Liqanın 19-cu turu çərçivəsində “Araz-Naxçıvan”a qarşı keçirdikləri ev oyunundan sonra fikrlərini bölüşüb.

Sportfm.az xəbər verir ki, o, 3:1 hesabıyla qalib gəldikləri oyundan sonra baş tutan mətbuat konfransında bunları söyləyib:

“Futbolçularımı təbrik edirəm. Baxmayaraq ki, formalarını bərpa etməyiblər, amma intizamlı oynadılar. 90 dəqiqə eyni oyunu onlardan tələb edə bilməzdim. Qarşımızda sürətli oyunçuları olan kollektiv var idi. Belə havada oynamaq çətin idi, amma intizamlı oyun oldu. Azarkeşlərə təşəkkür edirəm ki, bizi tək buraxmadılar.

Aleksey İsayevin çıxışından razı qaldım. Qısa zamanda komandaya uyğunlaşıb. Qarşıdakı vaxtda daha dinamik oyunçu görmək istəyirik. Ondan tələblərimiz olacaq.

Qarşıdakı oyunlara hazırlığımızı davam etdiririk. Bu komandaların içində “Braqa” da var. O oyuna qədər matçlarda yaxşı çıxış etməliyik. Komandanı həmin oyuna qədər fiziki cəhətdən hazır etmək istəyirik”.

Oxşar xəbərlər

Gürcü məşqçi Naxçıvan klubuna çox qol vurmaqdan danışdı

"Amma onun potensialı bu deyil" - Qurban Qurbanov

Qurban Qurbanov: "Maraqlı oyun oldu"

"Çox danışmayım, məni cərimələyərlər” - Qurban Qurbanov

Qurban Qurbanov Qətərdə onları izləyəcək - AÇIQLAMA