Avropa Liqasının I təsnifat mərhələsində "Differdanj" - "Zirə" oyunu canlı yayımlanmayacaq.

 

Sportfm.az saytı xəbər verir ki, "CBC Sport"un baş redaktoru Şəmsəddin Abbasov bunu Sport24.az-a açıqlamasında deyib. Abbasov Lüksembuqrdakı matçın yayım edə bilməyəcəklərinin səbəbini açıqlayıb: "Zirə"nin səfər qarşılanması yayımlanmayacaq. Çünki orda heç bir telekanal oyunu çəkmir. Ona görə də biz matçı göstərə bilməyəcəyik".

"Zirə" evdə 2:0 hesabı ilə qalib gəldiyi "Differdanj"la cavab matçını iyulun 6-da Bakı vaxtilə saat 21:00-da keçirəcək. 

Xatırladaq ki, "CBC Sport" "İnter"in Avropa Liqasının I təsnifat mərhələsində "Mladost"la ötən həftə Serbiyada canlı yayımlanan matçının ölkəmizdə də birbaşa göstərilməsini təşkil edib. Bu telekanal "Zirə" ilə "İnter"in Avropa Liqasında ev oyunlarını canlı yayımlayır. 

MEHMAN SÜLEYMANOV