Bakının Xətai rayonunda bıçaqlanma hadisəsi qeydə alınıb.

Sportfm.az xəbər verir ki, hadisə Ağ Şəhər Yaşıl ada küçəsində yerləşən “Pubar” iaşə obyektində qeydə alınıb.

Belə ki, 1994-cü il təvəllüdlü İsmayılov Fərid Vahid oğlu sözügedən obyektdə idman dərsi keçdiyi tələbəsinin döyüldüyü üçün qarşı tərəfə iradını bildirib.

Hələlik naməlum şəxs F.İsmayılovun əvvəlcə başına şüşə butulkanı çırpıb. Daha sonra bıçaqla ona xəsarət yetirilib. Ağır xəsarətlər alan F.İsmayılov Kliniki Tibbi Mərkəzə yerləşdirilib.

Xəstə yerləşdirildiyi tibb müəssisəsində əməliyyat edilib. Həkimlər onun vəziyyətini stabil olaraq qiymətləndirirlər.

Qeyd edək ki, Fərid İsmayılov uzun müddətdir ki, müxtəlif idman zallarında idman təlimçisi kimi işləyir. Nərimanov rayonunda onun özünə məxsus “Lux” idman zalı var.

***

DİN-in Mətbuat xidmətindən bildirilib ki, hadisə ilə bağlı Xətai Rayon Polis İdarəsində araşdırma aparılır: “Əməli törətməkdə şübhəli bilinən şəxsin saxlanması istiqamətində polis əməkdaşları tərəfindən tədbirlər görülür. Əlavə məlumat veriləcək”.

Oxşar xəbərlər

Azərbaycan çempionunu əlbəyaxa davada bıçaqlandı

Məşhur azərbaycanlı boksçunun qardaşı həbs edildi

Ərəblər idman mağazasından oğurluq etdi - Bakıda

Çempionumuz barəsində cinayət işi başlandı

"Topaz" məntəqəsində dava düşdü, xəsarət alan var! - HADİSƏ