Meksikalı Saul Alvares 76,2 kq çəki dərəcəsində Dünya Boks Şurasının (WBC), Dünya Boks Assosiasiyasının (WBA) və Dünya Boks Təşkilatının (WBO) versiyasına görə dünya çempionu titulunu qoruyub.
Sportfm.az xəbər verir ki, o, Las-Veqasda (ABŞ, Nevada ştatı) keçirilmiş 12 raundluq döyüşdə yekdil qərarla puerto-rikalı Edqar Berlanqa qalib gəlib.

34 yaşlı Alvares WBC və WBA dünya titullarını yeddinci, WBO isə beşinci dəfə qoruyub. Bundan əvvəl Beynəlxalq Boks Federasiyası (IBF) kubalı Uilyams Skulla qarşı məcburi qorumanı yerinə yetirməkdən imtina etdiyi üçün onun kəmərini əlindən alan meksikalı mütləq dünya çempionu titulundan məhrum edilmişdi. Alvares 2021-ci ildə mütləq dünya çempionu titulunu qazanıb və onu üç dəfə qoruyub. 2022-ci ildə isə o, rusiyalı Dmitri Bivolla məğlub olub və 79,38 kq çəki dərəcəsində WBA dünya çempionu kəmərini qazana bilməyib. Meksikalının rekorduna indi 62 qələbə (39 nokautla), 2 məğlubiyyət və 2 heç-heçə daxildir.

Oxşar xəbərlər

Hacı Əliyev dünya çempionu oldu

Dünya çempionu Deontey Uaylder yeddinci dəfə titulunu qorudu

Dünya çempionu faciəli şəkildə dünyasını dəyişdi

Azərbaycan millisi dünya çempionu oldu

Köhnə-təzə çempion