Bu gün AFFA aşağı yaş qrupları üzrə Respublika çempionatları ilə bağlı kritik qərarlar açıqlayıb.

Belə ki, AFFA-da bu işin başına keçən Edmond Klaus taleyüklü qərarlar qəbul edib.

Saytımıza daxil olan informasiyaya görə, niderlandlı öz ölkəsinin uşaq futbolunun inkişaf modelini yox, Nepalda, Avstraliyada, Macarıstanda tətbiq edilən qaydaları ölkəmizə gətirib.

Yəni, 2026/27-ci il mövsümündə Azərbaycanda 11-11 uşaq liqası ancaq U-15-dən başlayacaq. U-14 liqası 9 nəfərlə, həm də bütöv meydançada, U-13 liqası 7 nəfərlə oynanacaq.

Üstəlik, bundan sonra aşağı yaş qrupları üzrə liqalarda bir yaş kiçik uşaqlar özlərindən böyüklərlə oynaya bilməyəcək. Buna qadağa qoyulub.

Bəli, biriləri Edmond Klausa Azərbaycan reallığını izah etməyib, ona başa salmayıb ki, ölkədə stadion yoxdu, meydança tapılmır, bütün klublar eyni deyil və ən nəhayət bu Niderland deyil ki, hər qəsəbədə 5 komanda, 5 arena olsun.

İndi bu qərarlarla bağlı Klausun komandaların məşqçiləri toplantı keçirməsi gözlənilir.

Məsələni diqqətdə saxlayacağıq.

Oxşar xəbərlər

AFFA-da növbəti toplantı və təyinat - RƏSMİ

Cahangir Həsənzadəni niderlandlı mütəxəssis əvəz edəcək

AFFA ölkə futboluna əl qatır - Əməli iş başlayır!

Sərxan Hacıyev verdiyi sözü tutmadı - AFFA buna göz yumdu!

"İnkişaf" dedikləri budur? Azərbaycanda 3 komanda dağılır... FACİƏ