“Misli”nin dəstəyi ilə Sportfm.az saytının matçın keçiriləcəyi Koşitse şəhərinə ezam olunan müxbiri xəbər verir ki, portuqaliyalı mütəxəssis Fernandu Santuş media önündə bunları deyib:
- Slovakiya mətbuatı bizim yığmamızı detallı şəkildə analiz edib.
- ⁠Bu normaldı. Bizdə eynilə onların Estoniya ilə matçını detallı analiz etmişik, hətta həmin görüşü mənim köməkçim canlı izləyib. Biz keçmişlə yaşamırıq və gələcəyə baxırıq. Əsas odur ki, çıxdığımız bu yeni yolda oyunçular məsuliyyəti dərk etsinlər. Rəqibə hörmətimiz var, amma biz onlardan qorxmuruq.
- ⁠İsveçlə görüşdə Şeydayevin hərəkəti düzgün idimi?
- ⁠Mən onu deyə bilmərəm, amma mən şəxsən Mahmudova demişdim ki, penalti olsa sən vurarsan.
- ⁠İlk görüşdən sonra Azərbaycan yığması haqqında fikirləriniz nədir?
- ⁠Mən inandığım üçün burdayam, yolumuz uzundu, zamanla hər şeyin öhdəsindən gələcəyik.
- ⁠Sabah çoxları yığmamızdan uğurlu nəticə gözləmirlər.
- ⁠Mən qələbə gözləyirəm. Biz meydana ancaq qələbə üçün çıxacağıq. Slovakiyanı analiz etmişik.
- Slovakiyanı izləmisiz, bu yığmaya qarşı necə oynayacaqsız?
- ⁠Mən bunu açıqlaya bilmərəm, yetərincə hazırlaşmışıq.
- ⁠Əvvəlki illərdə Slovakiya ilə oynamısız?
- ⁠Bəli, Yunanıstanın baş məşqçisi kimi qələbə də qazanmışam.
- ⁠Sabah Bəhlul Mustafazadə oynamayacaq.
- ⁠Bizim kifayət qədər oyunçumuz var. Sabah onun yerini dolduracağıq.
Qeyd edək ki, sentyabrın 8-də keçiriləcək Slovakiya - Azərbaycan matçı Bakı vaxtı ilə saat 20:00-da başlayacaq.

Oxşar xəbərlər

Bəhlul Mustafazadənin yerinə kim oynayacaq?

"Rəqabətədavamlı komanda yaratmaq istəyirik" - Fernandu Santuş

Millimizin baş məşqçisi Qəbələyə yollandı - FOTO

Fernandu Santuş Azərbaycan millisində - RƏSMİ

Xəyallar Qurbanov, gerçəklər Santuş