“Qarabağ” cari mövsümün sonuna qədər “Azərsun Arena”ya qayıtmayacaq.

Sportfm.az xəbər verir ki, bu barədə klubun mətbuat xidmətindən məlumat verilib.

Bildirilib ki, arenada əsaslı təmir-bərpa işləri aparıldığından, Ağdam təmsilçisi mövsümün qalan ev matçlarını Tofiq Bəhramov adına Respublika stadionunda keçirəcək. Komanda XXIX turda “Səbail”i, XXXI turda “Qəbələ”ni, XXXIII turda “Neftçi”ni, XXXV turda isə “Turan Tovuz”u mərkəzi arenada qəbul edəcək.

Qeyd edək ki, “Qarabağ” cari mövsümün əvvəlində 5 ev görüşündə rəqiblərini “Azərsun Arena”da sınağa çəkib. Həmin stadionda son çempionat matçı Premyer Liqanın VIII turu çərçivəsində 2023-cü il sentyabrın 29-da “Sumqayıt”a (5:0) qarşı oynanılıb.

Oxşar xəbərlər

"Qarabağ"ın ev oyunlarını bu stadionda keçirəcək

"Qarabağ" oyunlarını Respublika Stadionunda keçirəcək

“Azərsun Arena” təmirə bağlanır - “Qarabağ” harada oynayacaq?

"Qarabağ" - "Dandolk" oyununun mətbuat konfranslarının vaxtı açıqlandı

"Qarabağ"ın matçının biletləri doğma stadionda satışda